மடிப்பாக்கத்தில் கல்லூரி மாணவர்கள், ஐடி ஊழியர்களுக்கு கொகைன், மெத்தம்பெட்டமைன் விற்பனை செய்த நான்கு பேர் கைது

மடிப்பாக்கத்தில் கல்லூரி மாணவர்கள், ஐடி ஊழியர்களுக்கு கொகைன், மெத்தம்பெட்டமைன் விற்பனை செய்த நான்கு பேர் கைது, 23 கிராம் கொக்கைன், 4 கிராம் மெத் பறிமுதல். 

சென்னை மடிப்பாக்கம் பகுதியில் அடுக்குமாடி குடியிருப்பில் சிலர் தங்கி கல்லூரி மாணவர்களுக்கு போதைப்பொருள் விற்பனை செய்யப்படுவதாக பரங்கிமலை துணை ஆணையர் செல்வ நாகரத்தினத்திற்கு தகவல் கிடைத்தது.

அதன் பேரில் உதவி ஆய்வாளர் மாதவன், காவலர் கார்த்திக் உள்ளிட்டோர் அடங்கிய தனிப்படை போலீசார் மடிப்பாக்கம் பகுதியில் வீட்டில் தங்கியிருந்த டி ஜே தொழில் செய்யும் பிரதீப்(27), என்பவரை கைது செய்து விசாரித்த போது, குழுவாக சேர்ந்து வடசென்னையில் இருந்து போதைப் பொருள் வாங்கி வந்து கல்லூரி மாணவர், ஐடி ஊழியர்கள் போன்றோருக்கு விற்பனை செய்து வந்தது தெரியவந்தது.

அவர் கொடுத்த தகவலின் பேரில் ஆதம்பாக்கத்தை சேர்ந்த கோகுலகிருஷ்ணன்(23), வேளச்சேரியை சேர்ந்த அஸ்வின்(24), வில்லிவாக்கத்தை சேர்ந்த ஷாபுதீன்(24), ஆகிய மூன்று பேர் உள்ளிட்ட நான்கு பேரை கைது செய்தனர். 

அவர்களிடமிருந்து 23 கிராம் கொக்கைன், 4 கிராம் மெத்தம்பெட்டமைன் போதைப் பொருள் பறிமுதல் செய்யப்பட்டு மடிப்பாக்கம் போலீசார் விசாரணை செய்து வருகின்றனர்.

S S K