"ஒரு காதல்"-வைரலாகும் சர்ஃபராஸ் கானின் இன்ஸ்டாகிராம் கதை
admin
இந்திய கிரிக்கெட் அணியில் இடம் கிடைக்காத வேதனையில், பேட்ஸ்மேன் சர்ஃபராஸ் கான் தனது இன்ஸ்ட்ராகிராம் பக்கத்தில் "ஒரு காதல்" என்ற தலைப்பில் இட்டுள்ள பதிவு வைரலாகி வருகிறது.
மேற்கிந்திய தீவுகள் அணிக்கு எதிரான தொடரில் இந்திய அணியில் இடம்பெறுவார் என எதிர்பார்க்கப்பட்ட இளம் வீர்ர் சர்ஃபராஸ் கானுக்கு வாய்ப்பு வழங்கப்படவில்லை. இது குறித்து ஏமாற்றத்தை வெளியிட்டிருக்கும் முன்னாள் கேப்டன் சுனில் கவாஸ்கர், தேர்வுக்குழுவின் முடிவுகள் இளம் வீரர்களிடம் மனச்சோர்வை ஏற்படுத்தும் எனக் கூறியிருந்தார்.
இதுபோன்ற சூழலில், தனக்கு அணியில் இடம்கிடைக்காததால் வேதனை அடைந்துள்ள சர்ஃபராஸ் கான், "ஒரு காதல்" எனும் தலைப்பில் தனது இன்ஸ்ட்ராகிராம் பக்கத்தில் ஒரு பதிவை இட்டுள்ளார். அதன் பின்னணியில் "லக்ஷ்யா" திரைப்படத்தின் தலைப்புப் பாடலையும் சேர்த்து சர்ஃபராஸ் இட்டிருக்கும் இந்தப் பதிவு கிரிக்கெட் ரசிகர்களின் கவனத்தை பெரிதும் ஈர்த்து வருகிறது.
